"Аталанта" раҳбарлари украиналик ярим ҳимоячи Виктор Коваленкони "Специя"га сотишга қарор қилишди.
Нуфузли инсайдер Николо Скиранинг сўзларига кўра, 26 ёшли украиналик футболчи энди "Специя"да ўйнайди. Ярим ҳимоячи учун жамоа икки миллион евро тўлайди.
Эслатиб ўтамиз, Коваленко ўтган мавсумда "Специя"да ижара шартномаси асосида ўйнаган эди. "Аталанта" таркибида украиналик А серияда фақат битта учрашув ўтказди.
Ўтган мавсумда Виктор Коваленко "Специя" билан Италия чемпионатида 26та ўйин ўтказиб, битта гол урди ва 4та голли узатмани амалга оширди.
