"Арсенал" "Галатасарой"дан ярим ҳимоячи Лукас Торрейра бўйича таклиф олди, деб ёзди журналист Фабрицио Романо твиттерда. Трансфер бўйича доимий асосда музокаралар олиб борилмоқда.
Лондон клуби футболчи билан хайрлашишга тайёр. Истанбулликлар энди 26 ёшли уругвайлик футболчи билан шахсий шартнома шартларини келишиб олишлари керак.
2021/22 йилги мавсумда Торрейра "Фиорентина"да ижара асосида ўйнади. У итальян клуби сафида 35 та ўйинда майдонга тушиб, 5 та гол ва 2 та голга ассистентлик қилган.
Transfermarkt портали футболчининг нархини 20 миллион еврога баҳоламоқда.
