"Arsenal" "Galatasaroy"dan yarim himoyachi Lukas Torreyra bo‘yicha taklif oldi, deb yozdi jurnalist Fabrisio Romano tvitterda. Transfer bo‘yicha doimiy asosda muzokaralar olib borilmoqda.
London klubi futbolchi bilan xayrlashishga tayyor. Istanbulliklar endi 26 yoshli urugvaylik futbolchi bilan shaxsiy shartnoma shartlarini kelishib olishlari kerak.
2021/22 yilgi mavsumda Torreyra "Fiorentina"da ijara asosida o‘ynadi. U italyan klubi safida 35 ta o‘yinda maydonga tushib, 5 ta gol va 2 ta golga assistentlik qilgan.
Transfermarkt portali futbolchining narxini 20 million yevroga baholamoqda.