Ярим ҳимоячи Том Хаддлстоун тез орада "Манчестер Юнайтед"га ўтади. The Athletic хабарига кўра, 35 ёшли англиялик футболчи "қизил иблислар"нинг ёшлар жамоасига ўйновчи-мураббийи этиб тайинланади.
Хаддлстоун шу ёзда эркин агентга айланди, чунки унинг “Халл Сити” билан шартномаси 1 июлда якунига етди. У аввал "Дерби Каунти", "Тоттенхэм" ва "Вулверхэмптон" клубларида ўйнаган.
Фаолияти давомида Хаддлстон Премьер-лигада 242 та ўйинда майдонга тушиб, 11 та гол урди ва 28 та голли узатмани амалга оширди.
