"Лестер" "Ньюкасл"нинг ярим ҳимоячи Жеймс Мэддисон борасидаги иккинчи таклифини рад этди, деб хабар бермоқда 90min.com сайти.
Аввалроқ, "Ньюкасл" 25 ёшли инглиз футболчиси учун "тулкилар"га 50 миллион фунт таклиф қилгани маълум бўлганди.
Ярим ҳимоячининг "Лестер" билан амалдаги шартномаси 2024 йилгача мўлжалланган. Transfermarkt портали футболчининг нархини 50 миллион еврога баҳоламоқда.
Мэддисон “Лестер”да 2018 йилнинг июлидан буён тўп суради. Ярим ҳимоячи ўтган мавсумда "Лестер" сафида 53 та ўйинда майдонга тушиб, 18 та гол урди ва 12 та голли узатмани амалга оширди.
