"Манчестер Сити"нинг собиқ ҳужумчиси Серхио Агуэро ҳужумчи Рахим Стерлингнинг "Челси"га сотилганидан норози.
“Мен Стерлингнинг сотилишини тушунмаяпман. Баъзида улар ("Манчестер Сити") ғалати қарорлар қабул қилишади", - деди ҳужумчи Twitch трансляцияси вақтида.
13 июль куни Стерлинг "Челси" билан 5 йиллик шартнома имзолади.
"Ман Сити" таркибида 27 ёшли футболчи 2015 йилдан 2022 йилгача ўйнаган ва 4 марта Англия чемпиони бўлган.
Стерлинг ўтган мавсумда "Манчестер Сити" сафида барча турнирлар доирасида 47 та ўйинда майдонга тушиб, 17 та гол урди ва 9 та голга ассистентлик қилди.
