"Манчестер Сити" "Андерлехт"нинг испаниялик ҳимоячиси Серхио Гомесга қизиқиш билдирмоқда, деб хабар беради The Athletic.
Манбага кўра, "шаҳарликлар" испанияликни "Челси"га ўтиши мумкин бўлган "Брайтон" ҳимоячиси Марк Кукурельяга арзонроқ ўринбосар сифатида кўрмоқда.
21 ёшли Гомес "Барселона" тарбияланувчиси ҳисобланади. Ўтган мавсумда у "Андерлехт" сафида барча мусобақаларда 49 та ўйинда майдонга тушиб, 7 та гол урди ва 15 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.