Непалда бўлиб ўтадиган U-22 Осиё Чемпионати “D” саралаш гуруҳида ўйинлар вақтида ўзгариш юз берди.

Непал футбол уюшмаси илтимосига кўра, ОФК ушбу мамлакатда бўлажак U-22 Осиё Чемпионати “D” гуруҳи ўйинлари бошланиш вақтларига ўзгартириш киритишга рози бўлди. Унга кўра, кундузга ўйинлар Катманду вақти билан 15:00да (Тошкент вақти билан 14:15да), кечки ўйинлар эса 18:10да (17:25да) бошланади. Тақвимнинг дастлабки режасига кўра, ўйинлар мос равишда 15:30 ва 18:30да бошланиши керак эди.

Мусобақалар комиссарларидан бири, қирғизистонлик Кемел Токебаевнинг сўзларига кўра, тақвим биринчи галда ўйинларни трансляция қилувчи “Kantipur TV” телеканалининг илтимосига кўра ўзгартирилган. Комиссар берган маълумотга кўра, телеканал ҳар куни соат 20:00да янгиликлар дастурини эфирга узатади, 18:30да бошланадиган ўйинлар эса телеканал дастурини бузиб юбориши мумкин.

Маълумот ўрнида, саралаш босқичининг барча ўйинлари Катмандудаги “Дасрат” стадионида бўлиб ўтади. Стадион айни вақтда мусобақага тайёр ҳолатда. Маҳаллий футбол уюшмаси саралаш ўйинлари учун қилинган харажатларнинг бир қисмини қоплаш учун ўйинларга киришни пуллик қилган. Унга кўра, стадионнинг ёпиқ томони учун чипталар 700 рупий (8 доллар), очиқ томони учун чипталар 300 рупий (3,5 доллар)дан сотилади.

U-22 Осиё чемпионати-2013 “D” саралаш гуруҳи
Иштирокчилар: Ўзбекистон, Иордания, Яман, Бангладеш, Непал.

16 июнь, шанба
14:15. Яман – Иордания
17:25. Непал – Бангладеш

18 июнь, якшанба
14:15. Бангладеш - Ўзбекистон
17:25. Непал - Яман

20 июнь, якшанба
14:15. Иордания - Бангладеш
17:25. Ўзбекистон - Непал

22 июнь, якшанба
14:15. Яман - Ўзбекистон
17:25. Иордания - Непал

24 июнь, якшанба
14:15. Бангладеш - Яман
17:25. Ўзбекистон - Иордания

Ихоҳ: Ўйинларнинг бошланиши Тошкент вақти билан берилган.