Италиянинг "Фиорентина" клуби марказий ҳимоячиси Никола Миленковичнинг келажаги билан боғлиқ муаммони яқин 48 соат ичида ҳал қилмоқчи. Бу ҳақда ижтимоий тармоқларда журналист Николо Скира хабар берди.
Клуб сербиялик футболчига йилига 3,5 миллион евро маош билан 2025 йилгача мўлжалланган янги шартнома таклиф қилди. Агар футболчи рад жавобини бериб, жамоадан кетишга қарор қилса, "Фиорентина" у билан 15 миллион евро эвазига хайрлашишга тайёр.
Эслатиб ўтамиз, Никола Миленковичга Туриннинг "Ювентус" ва Миланнинг "Интер" клублари қизиқиш билдирмоқда. Сербиялик футболчининг "Фиорентина" билан амалдаги шартномаси тугашига бир йил қолди.
