Ҳимоячи Сезар Аспиликуэта ушбу трансфер ойнасида "Челси"да қолиши кутилмоқда. "Барселона" 32 ёшли испанияликни шу ёзда сотиб олишга ҳаракат қилаётган эди.
The Times хабарига кўра, "Челси"нинг янги эгаси Тодд Боли испаниялик футболчининг кетишига тўсқинлик қилди.
Аспиликуэтанинг амалдаги шартномаси 2023 йилнинг ёзига қадар мўлжалланган. Transfermarkt портали футболчининг нархини 9 миллион еврога баҳоламоқда.
Ўтган мавсумда Аспиликуэта барча турнирларда 47та ўйинда майдонга тушиб, 3та гол урди ва 3та голга ассистентлик қилди. Унинг ҳисобида 5 та сариқ карточка ҳам бор.
