Himoyachi Sezar Aspilikueta ushbu transfer oynasida "Chelsi"da qolishi kutilmoqda. "Barselona" 32 yoshli ispaniyalikni shu yozda sotib olishga harakat qilayotgan edi.
The Times xabariga ko‘ra, "Chelsi"ning yangi egasi Todd Boli ispaniyalik futbolchining ketishiga to‘sqinlik qildi.
Aspilikuetaning amaldagi shartnomasi 2023 yilning yoziga qadar mo‘ljallangan. Transfermarkt portali futbolchining narxini 9 million yevroga baholamoqda.
O‘tgan mavsumda Aspilikueta barcha turnirlarda 47ta o‘yinda maydonga tushib, 3ta gol urdi va 3ta golga assistentlik qildi. Uning hisobida 5 ta sariq kartochka ham bor.