Франция терма жамоасининг собиқ футболчиси Вильям Галлас Англия Премьер-лигасининг янги мавсумида “Челси” клубининг истиқболига баҳо берди.
"Клубда ҳимоячилар борасида нима бўлаётганини тушуна олмаяпман. "Челси" Кунде билан шартнома имзолаши керак эди, бироқ футболчини сўнгги дақиқада "Барселона" ўз сафига қўшиб олди. Лондонликлар бу футболчини қўлга киритмагани катта йўқотиш бўлди. Уларга Жюль каби даражадаги футболчилар керак. Жорий ҳимоя билан жамоа янги мавсумни “Арсенал” ва “Тоттенхэм”дан пастроқ ўринда якунлайди”, - деди Галлас Evening Standard билан суҳбатда.
Эслатиб ўтамиз, Кунде "Барселона" сафига кўчиб ўтиб, беш йиллик шартнома имзолади.
