"Челси"нинг янги футболчиси Калиду Кулибали "кўклар"га ўтиши ҳақида фикр билдирди.

“Мен Рюдигернинг ўрнини босувчи эмасман, мен Кулибалиман. Мен жуда ғайратлиман ва янги чақирувга тайёрман. АПЛда ўйнашга, муваффақиятли ўйнашга тайёр эканлигимни исботлайман.

Дунёнинг энг зўр ҳужумчиларига қарши ўйнаш ажойиб. Менга қийин жанглар ёқади. Мен ҳимояланишни яхши кўраман, жамоамни ишончлироқ қилишни яхши кўраман.

"Челси" мени ўз сафига қўшиб олмоқчи эди, улар қатъий эдилар. Антонио Конте ҳам бу ерда ишлаганида мен билан шартнома имзоламоқчи эди. Мен бахтлиман. Умид қиламанки, мен узоқ вақт давомида шу ердаман. "Челси" - фантастик жамоа. Мен қўлимдан келган ҳамма нарсани қиламан. 31 ёшда мен ажойиб спорт формасидаман, ажойиб шаҳарда, ажойиб клубдаман. Мен фойдали бўлишга тайёрман", - деди сенегаллик футболчи "Челси" матбуот хизматига.