"Монако"нинг собиқ футболчиси Сеск Фабрегас "Барселона"га Франция жамоасидаги собиқ жамоадоши Орльен Тчуамени хизматларини таклиф қилганини тан олди. Бироқ испан клуби молиявий муаммолар туфайли футболчи билан шартнома имзолай олмади ва ярим ҳимоячи “Реал”га ўтди.
“Мен Тчуаменини биламан. Мен "Барселона"дагилар билан гаплашдим, уларга уни сотиб олишни таклиф қилдим. У келажак учун ажойиб ўйинчига ўхшарди, аммо иқтисодий жиҳатдан улар уни қўлга кирита олмадилар", - деди Фабрегас Football Italia нашрига.
22 ёшли Тчуамени 2022 йилнинг ёзида 80 миллион евро эвазига "Реал Мадрид"га ўтган эди. Сўнгги икки мавсумда Орльен "Монако" сафида тўп тепган. У 95 та ўйинда 8 та гол урган ва жамоадошларига 7 та голли узатма берган.
