"Ювентус" бош мураббийи Массимилиано Аллегри жамоадаги ҳозирги ҳолат ҳақида ўз фикрлари билан ўртоқлашди.
Мутахассис клубнинг трансфер бозоридаги фаолиятидан мамнун, аммо "кекса синёра" ҳали бир нечта янги футболчилар билан шартнома имзолагани йўқ.
"Бизда жароҳатлар бор эди, лекин биз буни бартараф эта оламиз. Умид қиламанки, Погба режалаштирилганидек беш ҳафта ичида сафга қайтади. Мен шифокор эмасман, шунинг учун унинг жароҳати ҳақида айтганларига ишонаман.
Таркибимиз Анхел ди Мария ва Пол Погба каби футболчилар билан тўлдирилди - иккинчисининг жароҳатини ҳисобга олсак ҳам, трансфер бозоридаги ишимизни муваффақиятли деб атаган бўлардим.
Биз аллақачон рақобатбардош таркибни танлаб олдик, бироқ бу жараён ҳали якунланмаган. Буни 31 августгача якунлаймиз”, дейди Аллегри.
