"Брайтон"нинг чап қанот ҳимоячиси Марк Кукурелья Лондоннинг "Челси" клубига ўтиш арафасида.
Маълум бўлишича, клублар 24 ёшли испанияликнинг трансфер шартларини тўлиқ келишиб олишган.
Фабрицио Романонинг сўзларига кўра, футболчи айни дамда Лондонда, "Челси"да тиббий кўрикдан ўтмоқда. Трансферни якунлаш учун клублар фақат ҳужжатларни расмийлаштириши керак, бу тез орада амалга оширилади.
Бу ёзда Марк «Манчестер Сити»га ўтиши мумкин эди, аммо «Брайтон» «шаҳарликлар» таклиф қилган шартларга рози бўлмади.
Ҳимоячи ўтган мавсумда "Брайтон" сафида барча турнирларда 35 ўйин ўтказиб, битта гол ва иккита голли узатмага муаллифлик қилган.
