"Брайтон" "Манчестер Сити" ва "Челси" томонидан қизиқиш билдирилаётган испаниялик ҳимоячи Марк Кукурелланинг нархини оширган, деб хабар беради Athletic.
Манбага кўра, "чағалайлар" футболчи учун 63 миллион евро олмоқчи. Аввалроқ “Челси” футболчи учун 59 миллион, “Манчестер Сити” эса 48 миллион таклиф қилганди.
Кукурелья айни вақтда Лондонда бўлиб турибди. У "Челси"га ўтиш арафасида.
24 ёшли Кукурелья ўтган мавсумда "Брайтон" сафида барча турнирларда 39 та ўйинда майдонга тушиб, битта гол ва иккита голли узатмани амалга оширган. Унинг клуб билан шартномаси 2026 йилнинг ёзига қадар мўлжалланган.
