"Челси" "Барселона" ҳужумчиси Мемфис Депайга қизиқиш билдирмоқда, деб хабар беради The Guardian.
Манбага кўра, инглиз клуби нидерландиялик футболчини "Лейпциг"га қайтиши мумкин бўлган ҳужумчи Тимо Вернерга ўринбосар сифатида кўрмоқда.
Олдинроқ “Барселона” Депай билан шартномани бекор қилиши ёки уни 20 миллион еврога сотиши мумкинлиги ҳақида хабарлар тарқалган эди.
28 ёшли Депай ўтган мавсумда "Барселона" сафида барча турнирларда 37та ўйинда майдонга тушиб, 13та гол урди ва 2та голга ассистентлик қилди. Унинг клуб билан шартномаси 2023 йилнинг ёзига қадар мўлжалланган.