"Барселона" ҳужумчи Мартин Брэйтуэйтни жамоани тарк этишга кўндиришда давом этмоқда, деб хабар бермоқда Marca нашри.

Манбага кўра, "кўк-анорранглилар" ҳужумчилар ўйинчилар сонини камайтиришга ҳаракат қилмоқда ва 31 ёшли даниялик футболчи билан ҳамкорликни давом эттиришни истамаслиги ҳақида маълум қилган.

Ҳужумчи АҚШда бўлиб ўтган турнега борган футболчилар рўйхатига киритилмаган ва каталонияликлар бу вақт ичида у ўзига янги клуб топишини кутишган.

Бироқ, Брэйтуэйт кетишдан бош тортмоқда, шу жумладан, текин трансферга рози бўлмайди, чунки у қолган икки йил учун маошни тўлиқ олиш ниятида.

Шу билан бирга, Каталония клуби қўшимча босим ўтказиш имкониятини кўриб чиқмоқда, бироқ футболчи шикоят қилиши мумкинлигидан хавотирда.

Брэйтуэйт ўтган мавсумда “Барселона” сафида барча мусобақаларда 4 та ўйинда майдонга тушиб, 2 та гол урди ва битта голли узатмани амалга оширди. Ҳужумчининг Каталония клуби билан шартномаси 2024 йилнинг 30 июнига қадар мўлжалланган.