"Милан" устози Стефано Пиоли швециялик тажрибали ҳужумчи Златан Ибрагимовичга қандай муносабатда бўлиши ва тирик афсонанинг жароҳатдан сўнг машғулотларга қачон қайтиши ҳақида гапириб берди.
Пиоли Gazzetta dello Sport нашрига берган интервьюсида 40 ёшли швециялик футболчи ҳозирда машғулот ўтказмаяпти, бироқ у жамоа билан доимий алоқада эканлигини айтди. "Россонерлар" устози Златан ҳамон ажойиб тажрибага эга ва ҳалигача ғалабага чанқоқ футболчи эканлигини таъкидлади.
“Ибрагимович ҳали ҳам майдонда ўзгаришлар қила олади. Август ойи ўрталарида у Миланга қайтиши керак ва тўлиқ машғулотларни бошлайди", - дея қўшимча қилди Пиоли.
Эслатиб ўтамиз, ўтган мавсумда Златан Ибраҳимович "Милан"га чемпионликни қўлга киритишда ёрдам берганди.