Италия терма жамоаси ҳужумчиси Жакомо Распадори "Сассуоло"дан "Наполи"га ўтишга яқин турибди, дея хабар беради журналист Николо Скира.
Шартнома беш йилга мўлжалланган бўлиб, футболчининг янги клубидаги маоши йилига 2,5 миллион еврони ташкил қилади.
Келаси ҳафта бошида "адзурри" раҳбарияти "Сассуоло" раҳбарлари билан учрашиб, трансфернинг якуний тафсилотларини келишиб олади.
22 ёшли италиялик ўтган мавсум барча турнирларда 38 та ўйинда майдонга тушиб, 10 та гол урди ва 6 та голли узатмани амалга оширди. Унинг "Сассуоло" билан шартномаси 2024 йилгача мўлжалланган.
