"Ливерпуль" бош мураббийи Юрген Клопп мисрлик ҳужумчи Муҳаммад Салоҳнинг клуб билан янги шартномаси ҳақида гапирди.

"Бу келишув бизга яхши туртки берди. Мавсум олдидан Муҳаммад жуда зўр ўйнади. Ўйлайманки, Муҳаммад биз билан бўлганидан хурсанд. Бу унинг келажаги ноаниқ бўлганидан кўра яхшироқ. Келажакда унга ишонишимиз мумкинлигини тушуниш яхшироқ", - деди германиялик мураббий Mirror нашрига берган интервьюсида.

Томонлар ўртасидаги янги шартнома 1 июль куни эълон қилинди. Томонлар 2025 йилнинг ўрталарига қадар мўлжалланган шартномани имзоладилар.