Лондоннинг "Челси" клубига тегишли бўлган ҳужумкор ярим ҳимоячи Каллум Хадсон-Одои жорий трансфер ойнасида ўз клубини ўзгартириши мумкин. Инсайдер Фабрицио Романонинг сўзларига кўра, футболчининг Премер-лигада қолиш имкониятлари бор.
Журналистга малум бўлишича, "Саутгемптон" вингер учун янги иш жойига айланиши мумкин. "Авлиёлар" Лондон клуби вакиллари билан боғланиб, эҳтимолий трансферни муҳокама қилишган. "Саутгемптон" Каллумни 2022/2023 йилги мавсум охиригача ижарага олмоқчи.
Хадсон-Одои ўтган мавсумда Премьер-лигада 15 та ўйинда майдонга тушиб, битта гол ва иккита голли узатмага муаллифлик қилган.
