Украина терма жамоаси сардори Андрей Шевченко Евро-2012 гуруҳ босқичининг сўнгги турида учрашадиган Англия терма жамоасини ҳурмат қилишини айтди, шу билан бирга мусобақани эрта тарк этмоқчи эмасликларини билдирди.
"Жума куни қийин ўйин бўлди, Франция жуда яхши ўйнади, айниқса иккинчи бўлимда. Аммл Украинанинг ҳам имкониятлари бор. Агар Англияни ютсак, плей-оффга чиқамиз. Бунинг учун Францияга қарши ўйинга қараганда яхшироқ ўйнашимиз керак.
Англия Евро-2012да ғолиб чиқишга даъвогар. Ҳозирча уларда ҳаммаси яхши - Франция билан дуранг ўйнаб, Швецияни мағлуб этишди.
Ўз майдонимизда тўп суришимиз бизга ёрдам беради. Мухлислар бизни қўллаб-қувватлашларига умид қиламан ва биз кўзланган мақсадга эришамиз", - дея Шевченконинг сўзларини келтиради Англия матбуоти.
