"Барселона" ҳужумчиси Роберт Левандовски каталонияликлар сафидаги дебют голига қисқача муносабат билдирди.

Польшалик тўпурар Мексиканинг "УНАМ Пумас"ига қарши ўртоқлик учрашувида гол урди. Учрашув 6:0 ҳисобида "кўк-анорранглилар" фойдасига ҳал бўлди.

"Ажойиб оқшом", - деб ёзди Левандовски ўйиндан кейин ижтимоий тармоқдаги саҳифасида.

Эслатиб ўтамиз, Левандовски ёзги трансфер ойнасида "Бавария"дан "Барселона"га ўтган эди. Трансфер суммаси 45 миллион еврони ташкил қилди.

Испания чемпионатининг янги мавсумининг биринчи турида “Барселона” ўз майдонида “Райо Вальекано”ни қабул қилади. Учрашув 13 август куни бўлиб ўтади.