«Тобол» клуби Қозоғистон кубоги гуруҳ босқичи 5-тури доирасида ўз майдонида «Тараз»ни қабул қилиб, 3:5 ҳисобида имкониятни бой бериб қўйди.

Мазкур ўйиннинг 9 ва 18-дақиқаларида Игорь Сергеев иккита гол уриб, жамоасини иккита тўп фарқи билан олдинга олиб чиққанди. Аммо меҳмонлар танаффусгача ҳисобни тенглаштиришга муваффақ бўлишди. Қўстанайликлар иккинчи бўлим бошида яна олдинга ўтиб олишди, бироқ баҳс охирига қадар таразликлар яна 3та гол уриб, ғалабани илиб кетишди. Меҳмонларнинг 20 ёшли футболчиси Абилайхан Жумабек "покер"ни  расмийлаштирди.

Ушбу мағлубиятдан кейин «Тобол»нинг очколари учталигича қолди ва жамоа Қозоғистон кубогини муддатидан аввал тарк этди.

Ушбу гуруҳдан «Тараз» ва «Мақтаарал» муддатидан аввал кейинги босқичга йўл олди.

Қозоғистон кубоги. "С" гуруҳи. 5-тур. 7 август
Тобол — Тараз 3:5
Голлар: Сергеев (9, 18), Жаксиликов (53) — Жумабек (23, 61, 82, 88), Шахметов (34).