Якшанба куни "Севилья" Иско билан трансфер бўйича келишувга эришганини эълон қилганди.
Эндиликда 30 ёшли ярим ҳимоячи тиббий кўрикдан ўтди ва Андалусия клубининг тўлақонли футболчисига айланди. "Севилья" расмий сайти хабарига кўра, Иско билан икки мавсумлик шартнома имзоланган.
"Севилья" Искони эркин агент сифатида қўлга киритди - ярим ҳимоячи "Реал" билан шартномаси тугаганидан кейин бир ойдан ортиқ вақтини клубсиз ўтказди. "Қаймоқранглилар" учун Иско тўққиз йил ўйнади.
“Севилья” келаси жума, 12 август куни Испаниянинг янги чемпионатидаги илк ўйинини ўтказади. Жамоа сафарда “Осасуна”га қарши майдонга тушади.
