"Болонья" спорт директори Марко Ди Вайо "Манчестер Юнайтед" ҳужумчи Марко Арнаутовичга қизиқиш билдираётганини тасдиқлади.
“Биз бундай клуб футболчимизга қизиқиш билдираётганидан фахрланамиз. Лекин биз уни сотмоқчи эмасмиз. Гап ҳатто пулда ҳам эмас", - дея Ди Вайонинг сўзларини келтиради La Gazzetta dello Sport.
Ўтган мавсумда Арнаутович “Болонья” сафида барча мусобақаларда 34 та ўйинда майдонга тушиб, 15 та гол урди ва 1 та голли узатмани амалга оширди. Ҳужумчининг клуб билан шартномаси 2024 йилнинг 30 июнига қадар мўлжалланган.