21 август куни аёллар ўртасидаги Ўзбекистон кубогининг 1/8 финал учрашувлари бўлиб ўтади. Мазкур босқичга 10 август куни қуръа ташланади.

Регламентга кўра, 1/8 финалда Олий лиганинг 9 та ҳамда Биринчи лиганинг 5 та жамоаси иштирок этади. Амалдаги кубок соҳиби сифатида “Сўғдиёна-W” мусобақадаги иштирокини ¼ финалдан бошлайди. 1/8 финалда жами 14 та клуб ўзаро 7 та жуфтлик ҳосил қилади. Бир ўйиндан иборат плей-офф босқичи ғолиблари ¼ финал чиптасига эга чиқади.

Ўзбекистон кубоги мусобақасида фарм жамоа бўлишига қарамай, АГМК II ҳам қатнашади. Қуръа давомида мазкур клубнинг асосий ва фарм жамоалари ўзаро тўқнаш келмаслиги таъминланади.

Қуръа ташлаш соат 11:00 да бўлиб ўтади ва у ЎзПФЛ тармоқлари орқали жонли эфирга олиб чиқилади.