Лондоннинг "Арсенал" клуби ва ҳимоячи Эктор Бельерин яқин орада ҳамкорликни тугатиши мумкин.

Журналист Фабрицио Романо хабарига кўра, футболчининг агентлари Лондонда бўлиб, бугун "канонирлар" билан шартномани бекор қилиш бўйича музокаралар олиб боришга тайёргарлик кўрмоқда.

Эслатиб ўтамиз, Бельерин ўтган мавсумни Испаниянинг “Бетис” клубида ижара асосида ўтказган эди. Айни дамда футболчи “Арсенал” билан шартномани бузиш ва Мануэль Пеллегрини бошчилигидаги "Бетис" жамоасига текинга қайтиш учун барча имкониятларни ишга солмоқда.

Аввалроқ, "яшил-қоралар" Бельеринни "Арсенал"дан тўлиқ сотиб олиш учун пул топа олмаганди.