Londonning "Arsenal" klubi va himoyachi Ektor Belyerin yaqin orada hamkorlikni tugatishi mumkin.
Jurnalist Fabrisio Romano xabariga ko‘ra, futbolchining agentlari Londonda bo‘lib, bugun "kanonirlar" bilan shartnomani bekor qilish bo‘yicha muzokaralar olib borishga tayyorgarlik ko‘rmoqda.
Eslatib o‘tamiz, Belyerin o‘tgan mavsumni Ispaniyaning “Betis” klubida ijara asosida o‘tkazgan edi. Ayni damda futbolchi “Arsenal” bilan shartnomani buzish va Manuel Pellegrini boshchiligidagi "Betis" jamoasiga tekinga qaytish uchun barcha imkoniyatlarni ishga solmoqda.
Avvalroq, "yashil-qoralar" Belyerinni "Arsenal"dan to‘liq sotib olish uchun pul topa olmagandi.
