“Барселона” ҳужумчиси Пьер-Эмерик Обамеянгнинг Лондоннинг “Челси” клубига ўтиши эҳтимоли тобора ортиб бормоқда. Бугун габонлик футболчининг вакили "кўк-анорранглилар" штаб-квартирасида пайдо бўлди, у ерда гўёки Обамеянгнинг келажаги муҳокама қилинди. Бу ҳақда журналист Жерар Ромеро хабар берди.
Обамеянгга "Челси" бош мураббийи Томас Тухелнинг шахсан ўзи қизиқмоқда. Германиялик мураббий олдин ҳужумчи билан Дортмунднинг «Боруссия» клубида ишлаган.
Обамеянг шу қишда "Барселона"га ўтди, аммо қисқа вақт ичида ўтган мавсумда "кўк-анорранглилар"нинг энг яхши тўпурарига айлана олди.
Эслатиб ўтамиз, аввалроқ Обамеянг Премер-лигада Лондоннинг "Арсенал" жамоасида ўйнаган.