"Манчестер Юнайтед"нинг собиқ ярим ҳимоячиси Пол Скоулз "Манчестер Сити"нинг янги футболчиси Эрлинг Холанд ўйин услуби жиҳатидан кимга ўхшаши ҳақида гапирди.
Скоулз Manchester Evening News нашрига берган интервьюсида "шаҳарликлар"нинг ёш ҳужумчиси Премьер-лигага мослашиш учун бироз кўпроқ вақт талаб қилишини ҳис қилган бўлса-да, аъло даражада дебют қилганини айтди. “Қизил иблислар”нинг собиқ футболчиси Холандни собиқ жамоадоши Руд ван Нистелрой билан солиштирди.
"Эрлинг менга нидерландияликни эслатади, чунки у жуда шафқатсиз якунловчи", - дея қўшимча қилди Скоулз.
Эслатиб ўтамиз, АПЛнинг биринчи ўйинида Холанд дубл қайд этиб, “шаҳарликлар”га “Вест Хэм”ни 2:0 ҳисобида мағлуб этишга ёрдам берганди.
