"Manchester Yunayted"ning sobiq yarim himoyachisi Pol Skoulz "Manchester Siti"ning yangi futbolchisi Erling Xoland o‘yin uslubi jihatidan kimga o‘xshashi haqida gapirdi.
Skoulz Manchester Evening News nashriga bergan intervyusida "shaharliklar"ning yosh hujumchisi Premyer-ligaga moslashish uchun biroz ko‘proq vaqt talab qilishini his qilgan bo‘lsa-da, a’lo darajada debyut qilganini aytdi. “Qizil iblislar”ning sobiq futbolchisi Xolandni sobiq jamoadoshi Rud van Nistelroy bilan solishtirdi.
"Erling menga niderlandiyalikni eslatadi, chunki u juda shafqatsiz yakunlovchi", - deya qo‘shimcha qildi Skoulz.
Eslatib o‘tamiz, APLning birinchi o‘yinida Xoland dubl qayd etib, “shaharliklar”ga “Vest Xem”ni 2:0 hisobida mag‘lub etishga yordam bergandi.
