"Наполи" "Тоттенхэм" ярим ҳимоячиси Танги Ндомбелега даъвогарлар рўйхатига қўшилди.
Антонио Конте 25 ёшли франциялик футболчини асосий таркибда майдонга туширишни режалаштирмаяпти, шу сабабли “шпорлар” футболчи бўйича таклифларни кўриб чиқишга тайёр.
Инсайдер Фабрицио Романонинг сўзларига кўра, "Наполи" Ндомбелени ўз сафига таклиф қилмоқчи. Неаполликлар ярим ҳимоячи учун "Вильярреал" клуби билан рақобатлашиши керак.
Танги Ндомбеле ўтган мавсумнинг иккинчи ярмини ижара асосида "Лион"да ўтказди. Transfermarkt портали футболчининг трансфер қийматини 30 миллион еврога баҳоламоқда.
