"Барселона" "Челси" ҳимоячиси Маркос Алонсони барча янги трансферларни рўйхатдан ўтказгандан сўнг ўз сафига қўшиб олади, дея хабар беради журналист Фабрицио Романо.
Манба берган хабарга кўра, ўтган ҳафтадан бошлаб клублар ўртасида 31 ёшли испанияликнинг трансфери бўйича принципиал келишув мавжуд.
Қайд этилишича, ҳимоячи Каталония клуби билан яна бир мавсумга узайтириш имконияти билан 2024 йилгача шартнома имзолайди.
Алонсо ўтган мавсумда лондонликлар сафида барча мусобақаларда 46 та ўйинда майдонга тушиб, 5 та гол урди ва 6 та голли узатмани амалга оширди. Унинг клуб билан шартномаси 2023 йилнинг 30 июнига қадар амал қилади.
