"Barselona" "Chelsi" himoyachisi Markos Alonsoni barcha yangi transferlarni ro‘yxatdan o‘tkazgandan so‘ng o‘z safiga qo‘shib oladi, deya xabar beradi jurnalist Fabrisio Romano.

Manba bergan xabarga ko‘ra, o‘tgan haftadan boshlab klublar o‘rtasida 31 yoshli ispaniyalikning transferi bo‘yicha prinsipial kelishuv mavjud.

Qayd etilishicha, himoyachi Kataloniya klubi bilan yana bir mavsumga uzaytirish imkoniyati bilan 2024 yilgacha shartnoma imzolaydi.

Alonso o‘tgan mavsumda londonliklar safida barcha musobaqalarda 46 ta o‘yinda maydonga tushib, 5 ta gol urdi va 6 ta golli uzatmani amalga oshirdi. Uning klub bilan shartnomasi 2023 yilning 30 iyuniga qadar amal qiladi.