Фабрицио Романонинг сўзларига кўра, "Манчестер Сити" "Андерлехт" ҳимоячиси Серхио Гомесни сотиб олишга яқин турибди.
Манбага кўра, трансфер суммаси 10 миллион евродан ошади. Айни пайтда томонлар якуний тафсилотларни муҳокама қилишмоқда, шундан сўнг битим якунланади.
Қайд этилишича, “шаҳарликлар” дастлаб 21 ёшли футболчини “Жирона”га ижарага беришни режалаштирганди, бироқ ҳозирда клуб Гомесни асосий таркибда қолдириш масаласини кўриб чиқмоқда.
Ўтган мавсумда ҳимоячи “Андерлехт” сафида барча турнирлар доирасида 49 та ўйинда майдонга тушиб, 7 та гол урди ва 15 та голли узатмани амалга оширди. Унинг клуб билан шартномаси 2025 йилнинг 30 июнига қадар амал қилади.
