Fabrisio Romanoning so‘zlariga ko‘ra, "Manchester Siti" "Anderlext" himoyachisi Serxio Gomesni sotib olishga yaqin turibdi.

Manbaga ko‘ra, transfer summasi 10 million yevrodan oshadi. Ayni paytda tomonlar yakuniy tafsilotlarni muhokama qilishmoqda, shundan so‘ng bitim yakunlanadi.

Qayd etilishicha, “shaharliklar” dastlab 21 yoshli futbolchini “Jirona”ga ijaraga berishni rejalashtirgandi, biroq hozirda klub Gomesni asosiy tarkibda qoldirish masalasini ko‘rib chiqmoqda.

O‘tgan mavsumda himoyachi “Anderlext” safida barcha turnirlar doirasida 49 ta o‘yinda maydonga tushib, 7 ta gol urdi va 15 ta golli uzatmani amalga oshirdi. Uning klub bilan shartnomasi 2025 yilning 30 iyuniga qadar amal qiladi.