"Реал" ҳужумчиси Карим Бензема УЕФА Суперкубоги учун Франкфуртнинг "Айнтрахт"ига қарши ўйин олдидан жамоа ғалаба йўлида давом этиши кераклигини айтди.

"Барча йирик клублар ўзлари бошдан кечиришлари керак бўлган босим ҳақида гапиришади, аммо менимча, бу бошқа жойлардан кўра "Реал Мадрид"да кўпроқ. "Реал Мадрид" дунёдаги энг буюк клуб эканлигини ҳисобга олсак, ҳар сафар имконият бўлганда уйга совринларни олиб келиш керак.

Чоршанба финали. Биз ғалаба қозонишни хоҳлаймиз. "Реал"да ўйнасанг, бошқа мақсад бўлмайди. Бу ўйинда иштирок этиш учун Чемпионлар лигасида ғалаба қозониш керак. Бу осон иш эмас. Биз уни бажардик. Энди бу ғалабали йўлни давом эттириш керак", - дея Бенземанинг сўзларини келтиради УЕФА матбуот хизмати.

“Реал” – “Айнтрахт” учрашуви 10 август, чоршанба куни Хельсинкида (Финляндия) бўлиб ўтади. Учрашув Тошкент вақти билан соат 23:59'да бошланади.