"Интер" ҳужумчиси Ромелу Лукаку Лондоннинг "Челси" жамоасидаги сўнгги мавсуми ҳақида фикр билдирди. Ҳужумчи Англия Премьер-лигасида 8 та гол урди, шундан сўнг у "Жузеппе Меаца"га ижара асосида қайтди.
"Бу тажриба менга қўшимча туртки берди. Бир йил давомида ҳамма менинг майдонда нима қила олишимни унутиб қўйди, лекин ҳозир ғазабим бор. Ўйлайманки, ўтган мавсум чемпионликни ҳимоя қила олмаган жамоада ҳам худди шундай ғазаб бор", - деди Лукаку Calciomercato билан суҳбатда.
Эслатиб ўтамиз, Лукаку "Челси"га 113 миллион еврога тушган эди. Бельгиялик футболчи Лондон клуби тарихидаги энг қиммат трансфер ҳисобланади.
