"Inter" hujumchisi Romelu Lukaku Londonning "Chelsi" jamoasidagi so‘nggi mavsumi haqida fikr bildirdi. Hujumchi Angliya Premyer-ligasida 8 ta gol urdi, shundan so‘ng u "Juzeppe Measa"ga ijara asosida qaytdi.
"Bu tajriba menga qo‘shimcha turtki berdi. Bir yil davomida hamma mening maydonda nima qila olishimni unutib qo‘ydi, lekin hozir g‘azabim bor. O‘ylaymanki, o‘tgan mavsum chempionlikni himoya qila olmagan jamoada ham xuddi shunday g‘azab bor", - dedi Lukaku Calciomercato bilan suhbatda.
Eslatib o‘tamiz, Lukaku "Chelsi"ga 113 million yevroga tushgan edi. Belgiyalik futbolchi London klubi tarixidagi eng qimmat transfer hisoblanadi.
