"Интер" ҳужумчиси Ромелу Лукаку "нерадзуррилар"нинг собиқ бош мураббийи Антонио Контенинг унга таъсири ҳақида гапирди.
Эслатиб ўтамиз, италиялик мураббий бир йил аввал "Жузеппе Меаца"ни тарк этган ва бироздан кейин "Тоттенхэм" клубини бошқаришни бошлаганди. Лукаку ўз навбатида "Челси"га ўтди, аммо 10 ойдан сўнг "Интер"га ижара асосида қайтди.
"Контедан миннатдорман, чунки у мени кучли футболчига айлантирди. У мени ақлан ўстирди ва ҳеч қачон таслим бўлмасдан бор кучимни беришга ўргатди. Бу мен билан охиригача қолади", - деди футболчи Calciomercato билан суҳбатда.
Лукаку ўтган мавсумда "Челси" сафида АПЛда атиги 8 та гол урган.
