Италиянинг амалдаги чемпиони "Милан" ўз марказий ҳимоячиси Фикайо Томори билан шартномани узайтиришга жуда яқин турибди. Бу ҳақда журналист Фабрицио Романо ўзининг ижтимоий тармоқларида маълум қилди.
Қайд этилишича, ҳамкорликни давом эттириш ташаббуси ҳар икки томондан чиқмоқда. Томори "Милан"да ўйнашдан хурсанд ва клуб раҳбарияти футболчини ўзининг асосий ўйинчиларидан бири деб билади.
Эслатиб ўтамиз, Томори ўтган ёзда Лондоннинг "Челси" жамоасидан "Милан" сафига келиб қўшилган эди. Бунгача ҳимоячи "россонерилар"да олти ой ижара асосида ўйнаган.
"Челси" футболчиси сифатида Томори "Брайтон", "Халл Сити" ва "Дерби Каунти" каби клубларда ижара асосида ўйнаган.
