"Арсенал" шу йилнинг ёзида "Лестер" ярим ҳимоячиси Юри Тилемансни сотиб олмайди. Football London нашри хабарига кўра, "канонирлар" футболчини бир йилдан сўнг текинга ўз сафига қўшиб олишни режалаштирмоқда.
Гап шундаки, Тилеманснинг "Лестер" билан шартномаси тугашига атиги бир йил қолган, аммо "тулкилар" ярим ҳимоячини 40 миллион евродан камига қўйиб юбориш ниятида эмас. Бу нарх "Арсенал"га тўғри келмайди, шунинг учун "канонирлар" келаси ёзгача кутмоқчи.
Тилеманснинг ўзи аввалроқ Микель Артетанинг жамоасига ўтишга рози бўлганди. Бельгиялик футболчи дастлаб Чемпионлар лигасида иштирок этадиган клубга ўтишни хоҳлаган, аммо "Арсенал" лойиҳаси ярим ҳимоячини бу ҳолатга кўз юмишга кўндирган.
