"Барселона" "Манчестер Сити" ярим ҳимоячиси Бернарду Силвани 50-60 миллион еврога сотиб олмоқчи, дея хабар беради журналист Жерар Ромеро.
Манба берган хабарга кўра, яқин кунларда клублар вакиллари ва футболчи ўртасида учрашув бўлиб ўтади ва унда келишув батафсил муҳокама қилинади.
Олдинроқ ярим ҳимоячи Каталония клубига ўтишни хоҳлаётгани, бироқ музокаралар чўзилиб кетгани туфайли сабри тоқати йўқолиб бораётгани ҳақида хабар берилганди.
Ўтган мавсумда Бернарду "шаҳарликлар" сафида барча мусобақаларда 50 та ўйинда майдонга тушиб, 13 та гол урди ва 7 та голли узатмани амалга оширди. Унинг клуб билан шартномаси 2025 йилнинг 30 июнига қадар мўлжалланган.
