"Barselona" "Manchester Siti" yarim himoyachisi Bernardu Silvani 50-60 million yevroga sotib olmoqchi, deya xabar beradi jurnalist Jerar Romero.
Manba bergan xabarga ko‘ra, yaqin kunlarda klublar vakillari va futbolchi o‘rtasida uchrashuv bo‘lib o‘tadi va unda kelishuv batafsil muhokama qilinadi.
Oldinroq yarim himoyachi Kataloniya klubiga o‘tishni xohlayotgani, biroq muzokaralar cho‘zilib ketgani tufayli sabri toqati yo‘qolib borayotgani haqida xabar berilgandi.
O‘tgan mavsumda Bernardu "shaharliklar" safida barcha musobaqalarda 50 ta o‘yinda maydonga tushib, 13 ta gol urdi va 7 ta golli uzatmani amalga oshirdi. Uning klub bilan shartnomasi 2025 yilning 30 iyuniga qadar mo‘ljallangan.
