"Сассуоло" спорт директори Жованни Росси СЭ билан суҳбатда Шомуродовнинг клубга ўтиши мумкинлиги ҳақидаги саволга жавоб берди.
“Буларнинг барчаси ёлғон. "Сассуоло" Шомуродовга ҳеч қачон қизиқмаган. Ҳозир биз ҳам унинг трансферига қизиқмаяпмиз”, - деди Росси.
Олдинроқ Шомуродов “Сассуоло”, “Вулверхэмптон”, “Ал-Ҳилол” клублари қизиқишлари доирасига тушиб қолгани ҳақида хабар берилганди.
Ўзбекистонлик ҳужумчи ўтган йилнинг август ойида “Женоа”дан 18 миллион евро эвазига “Рома”га ўтган эди. 2021/22 йилги мавсумда ҳужумчи клуб сафида 39 та ўйинда майдонга тушиб, 5 та гол урди ва 6 та голли узатмани амалга оширди.
Шомуродовнинг “Рома” билан шартномаси 2026 йилнинг июнигача амал қилади.