Германия терма жамоаси дарвозабони Мануэль Нойер ўз терма жамоасининг Европа чемпионати гуруҳ баҳсларидаги иштироки ва бўлажак рақиблари ҳақида ўз фикрларини айтиб ўтди.
"Гуруҳимиз осон гуруҳ эмас эди. Гуруҳдаги барча терма жамоалар ўз ўйин услубларига эга жамоалар эди ва бизга осон бўлгани йўқ. Шундай бўлишига қарамай биз ўйиндан ўйинга кучайиб бормоқдамиз" дейди футболчи.
"Мусобақа аввалида биз гуруҳдаги барча ўйинларда ғалаба қозониб, чорак финалга мусобақа ғолиби сифатида йўл олишни ҳоҳлаган эдик. Биз бу ерга шунчаки сайр қилиш учун келганимиз йўқ."
Чорак финалдаги рақиб Греция терма жамоаси ҳақида фикр билдирар экан немислар дарвозабони рақибни ҳурмат қилишларини алоҳида таъкидлаб ўтди.
"Греция терма жамоасини ҳурмат қиламиз. Улар бизни худди Дания терма жамоаси каби жазолашлари мумкинлигини ҳис қилиб турибмиз. Ўйлашимча Греция Дания терма жамоаси билан бир хил савиядаги жамоа. Улар кучли ва тажовузкор жамоа. Ҳеч ким кутмаган жойда Россияни мағлуб этишди. Шундай экан биз уларга паст назар билан қарамаслигимиз шарт" футболчининг сўзларидан иқтибос келтирмоқда goal.com сайти.
