Мадриднинг “Реал” клуби ҳужумчиси Родриго УЕФА Суперкубоги финали доирасида Германиянинг “Айнтрахт” жамоасига қарши бўлиб ўтган ўйин ҳақида фикр билдирди.
"Мавсумни бошлашнинг яхшироқ йўли йўқ. Чемпионлар лигасидаги муваффақиятдан сўнг яна бир чемпионликни қўлга киритдик. Жамоада ҳамма жуда хурсанд. Мавсумдаги режаларимга келсак, жамоамга ўз мақсадларига эришишда ёрдам беришда давом этиш ниятидаман. Мен асосий таркибда ўйнашни хоҳлайман ва бунинг учун кўп меҳнат қиламан. Агар мен ўзимнинг энг яхши фазилатларимни кўрсатсам, менда имконият бўлади", - деди ҳужумчи Movistar билан суҳбатда.
“Қаймоқранглилар” “Айнтрахт”ни 2:0 ҳисобида таслим этди. Мадридликлар таркибида голларни Алаба ва Бензема киритишди.
